Shtëpia e Ismail Kadaresë

Shtëpia e fëmijërisë së shkrimtarit shqiptar me famë botërore Ismail Kadare është kthyer në muze tre vite më parë dhe është e hapur për të gjithë vizitorët. E përshkruar në detaje në librin e tij "Kronikë në gur", gjatë vizitës suaj do të mund të imagjinoni Kadarenë si një djalë të vogël që qëndron pranë dritares dhe dëshmon jo vetëm ecejaket e gjysherve dhe personazheve të tjerë të librit të tij, por dhe mjaft episode të Luftës së Dytë Botërore.